Que é Tecelás da Terra?
Tecelás da Terra nace da unión entre a agroecoloxía, o ecofeminismo e a acción comunitaria. O proxecto entende as sementes como patrimonio vivo, portadoras de memoria, cultura e futuro, e ás mulleres como gardadoras históricas de saberes, coidados e biodiversidade.
A través de obradoiros, encontros comunitarios e accións culturais, o proxecto crea unha rede feminina que sementa igualdade, fortalece vínculos afectivos e promove a prevención das violencias machistas desde unha perspectiva comunitaria.
Obxectivo xeral
Promover a igualdade de xénero, a soberanía alimentaria e a cultura do coidado mediante a creación dun espazo comunitario de sementes conectado coa rede de bibliotecas e centros socioculturais.
Obxectivos específicos
- Reforzar a autoestima e a visibilidade das mulleres como gardadoras de saberes agroecolóxicos e culturais.
- Favorecer a participación cidadá na conservación de sementes locais e no intercambio de coñecementos.
- Crear unha rede comunitaria ecofeminista de intercambio de sementes e experiencias.
- Sensibilizar sobre igualdade, sustentabilidade e coidados colectivos.
- Integrar as sementes no ámbito cultural das bibliotecas, garantindo o acceso ao préstamo público e á aprendizaxe comunitaria.
Accións do proxecto
En cada un dos concellos participantes creamos diferentes encontros comunitarios semanais, onde nos reunimos mulleres de diferentes xeraciçóns para compartir saberes, experiencias e afectos arredor da terra e das sementes.
Entre xaneiro e marzo de 2026, mulleres dos concellos de Betanzos, Cedeira e Mañón compartiron sementes, saberes e experiencias, creando espazos seguros de aprendizaxe, benestar e apoio mutuo. A base foi crear un lugar de escoita, confianza e sororidade onde apareceron recordos, emocións e tamén unha enorme sabedoría práctica: formas de cultivar, gardar sementes, observar os ciclos da natureza ou coidar a terra.
Moitas das palabras, historias, cantigas, refráns e coñecementos que aparecen nesta web nacen destes encontros. O obxectivo é que aquilo que xorde do local —das conversas, da memoria e da experiencia— poida seguir vivo e chegar máis lonxe, para que estes saberes non se perdan e continúen inspirando novas xeracións.
O final do proceso remata coa apertura da biblioteca de sementes á comunidade, nun espazo e tempo, no que poñer en valor todo o compartido e aprendido nos círculos de sementeira. Visibilizando ás coidadoras de sementes e impulsando unha rede veciñal para seguir mantendo o traballo agroecolóxico.
Redes de apoio
CONCELLOS, Sindicato Labrego Galego, ETC.
Accións do proxecto
En cada un dos concellos participantes creamos diferentes encontros comunitarios semanais, onde nos reunimos mulleres de diferentes xeraciçóns para compartir saberes, experiencias e afectos arredor da terra e das sementes.
Entre xaneiro e marzo de 2026, mulleres dos concellos de Betanzos, Cedeira e Mañón compartiron sementes, saberes e experiencias, creando espazos seguros de aprendizaxe, benestar e apoio mutuo. A base foi crear un lugar de escoita, confianza e sororidade onde apareceron recordos, emocións e tamén unha enorme sabedoría práctica: formas de cultivar, gardar sementes, observar os ciclos da natureza ou coidar a terra.
Moitas das palabras, historias, cantigas, refráns e coñecementos que aparecen nesta web nacen destes encontros. O obxectivo é que aquilo que xorde do local —das conversas, da memoria e da experiencia— poida seguir vivo e chegar máis lonxe, para que estes saberes non se perdan e continúen inspirando novas xeracións.
Un espazo comunitario para gardar, coidar e compartir sementes locais.
O final do proceso remata coa apertura da biblioteca de sementes á comunidade, nun espazo e tempo, no que poñer en valor todo o compartido e aprendido nos círculos de sementeira. Visibilizando ás coidadoras de sementes e impulsando unha rede veciñal para seguir mantendo o traballo agroecolóxico.
Redes de apoio
CONCELLOS, Sindicato Labrego Galego, ETC.